السيسي للمصريين: اوعى حد يضحك عليكم بكلام كذب وجهل.. وأقسم بالله يرقى للخيانة والتآمر

السيسي للمتآمرين: مش عاوز تساعدونا إحنا متشكرين.. بس كمان ابعدوا عننا بشركم

منصور أبو مجاهد

قام الرئيس عبد الفتاح السيسي، اليوم الأربعاء، بافتتاح عدد من المشروعات التعليمية فى برج العرب بالإسكندرية، وجه خلاله عدة رسائل للشعب المصرى “اوعى حد يضحك عليكم.. بكلام كذب وجهل.. وأقسم بالله يرقى للخيانة والتآمر.. وأنا بقسم بالله.. ده تآمر.. بتهدوا الدول ليه؟.. مش عاوز تساعد إحنا متشكرين.. بس كمان ابعدوا عننا بشركم.. دى فيها 100 مليون.. عاوزنها تتقاتل وتتخرب.. إحنا بنصلح اللى بقاله سنين متساب.. ومصرين“.

وأضاف الرئيس السيسى: “الحكومة بتتحرق معايا وكل ما يعلموا أقول لسه.. مش كده والله العظيم الحكومة بتتحرق معايا.. عشان مصر مش تتحرق.. عشان اللى ضمايرهم ضاعت.. ومش همهم 100 مليون.. هتروحوا من ربنا فين لما تضيعوا 100 مليون.

وطالب الرئيس السيسي، قوي الشر والإرهاب بأن تكف ألسنة الكذب والتشكيك عنا، وخلوا الأموال اللى ربنا رزقكم بيها للبناء والإصلاح، مش لينا، ليكم انتوا “.

وقد حذر الرئيس عبدالفتاح السيسى، القوى المتربصة بمصر والمصريين، داعيًا إياهم بالكف عن التشكيك والكذب.

وتابع الرئيس : “أن برنامج الإصلاح الاقتصادي ساهم في نجاح مصر وعبور المحن مؤكداً للشعب المصري ” أوعوا تفتكروا أن احنا نعبرها بشكل تانى احنا معندناش ثروات تغطى تكاليفنا احنا عندنا عقول ناس وإرادة شعب عاوز يغير من واقعه إلى مستقبل افضل وعندنا تحدى لتيار متصور أنه ممكن يغير علشان يمسك ويعمل دولة على اد عقلهم دولة ذات توجهات إيه، الدولة فيها مشاكل فوق الخيال جايين تكملوا عليها!!..الوجه الحقيقى اللى بتعلنوه للناس “التغيير” لكن الوجه الخفى هو التدمير” تدمير الأمة وتضييعها وتخريب الناس واعادة المعسكرات واللاجئين ده احنا نمنا 60 سنة مش عارفين نعدى اللى احنا فيه، عاوزين تهدونا علشان نقعد 150 سنة، خالى بالكم مش هيبطلوا..ده الجميل اللى بيترد للمصريين للى عملوه من 100 سنة”.

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق