الدكتور صالح السقا يوجه رسالة للمصريين حول مخالفات البناء والتعدي على أملاك الدولة

كتب محمد العربي

تقدم الدكتور صالح السقا، رئيس المؤسسة المصرية للدراسات السياسية والإستراتيجية، بالعزاء فى وفاة عزمى مجاهد، خلال بث مباشر على صفحته الرسمية بموقع التواصل الاجتماعى “فيس بوك”. قائلا: “مجاهد” كان شخصية محترمة وكان من المقرر أن يكون المسئول عن الملف الرياضى فى المؤسسة المصرية للدراسات السياسية والإستراتيجية.

وتوجه “السقا” برساله للشعب المصرى قائلا: “الشعب المصرى اللى بيحب بلده ووطنه.. لما الرئيس عبد الفتاح السيسى جاء لحكم مصر وهو عنده هدف وحلم عايز يحققه علشان تصبح مصر دولة حديثة مستقلة مدنية، لازم تتخلص من الفساد وبقايا الفساد والسلبيات اللى كانت موجوده من النظام السابق، ولكن ما يضايقنا وما يزعجنا هى الكلمات والادعاءات الكثيره المنتشره خلال الفتره الماضيه، بسبب تنفيذ قرارات الدولة فى مخالفات البناء والتعدى على أملاك الدولة والرقعة الزراعية.

وتابع صالح السقا: للأسف وجدنا ناس بتترحم على حكم مبارك، صحيح هو كان قائد عسكرى مهم عظيم، لكن الفساد فى عهده كان مباح ومستمر لثلاثين سنة وكان رجال الأعمال تنتفخ جيوبهم وكروشهم بأموال الدولة وكانت أراضى الدولة يتم تخصيصها لرجال أعمال دون الرجوع لأجهزة الدوله، ولازم كمان نفتكر المؤسسات اللى اتخصخصت واتباعت زى عمر افندى وشركات الغزل والنسيج ومصانع الغزل والنسيج ومصانع النصر للسيارات ساعتها كان الغلط علينا احنا كمواطنين لما سمحنا ببيع مؤسسات وشركات ومصانع الدولة، لما اتباع مصنع أو شركه بتحقق دخل مليار جنيه شهريا يعنى فى السنة 12 مليار جنيه، دى كانت اموال المصريين واتباعت واتنهبت ومش هنعرف نرجعها تاني الا بوجود قوانين حاسمة لردع المعتدين على أملاك وأموال الدولة.

وأضاف: يعتبر أمرا عجيبا اننا نلاقي بعض الناس النهارده تتكلم وتعيب على النظام اللى بيحمى أموال المصريين وأراضيهم والمساحات الزراعية، والناس اللى ارتكبت مخالفات بناء بالمخالفة نقول لهم ادفعوا غرامة التصالح، ده أفضل ولا لما كانوا بيدفعوا قبل كده رشاوى، ما انت كده كده كنت بتدفع والفلوس كانت بتدخل جيوب وكروش رموز الفساد، أيهما أفضل ندفع غرامات تدخل ميزانية الدوله ولا رشاوى تدخل جيوب الفاسدين.

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق